اسلام آباد(مانیٹرنگ ڈیسک)یو اے ای میں107 سالہ معمر شخص بیوی کے انتقال کے 13 گھنٹے بعد ہی وفات پا گیا،تفصیلات کے مطابق متحدہ عرب امارات میں 107 سالہ اماراتی شخص وفات پا گیا،مذکورہ شخص کی وفات سے کچھ گھنٹے قبل ہی ان کی اہلیہ بھی اس جہان فانی سے کوچ کر گئی تھیں۔

معمر جوڑے کے اہلخانہ نے بتایا ہے کہ دونوں نے شادی شدہ زندگی کے 65 سال ہنسی خوشی گزارے۔اگرچہ دونوں کی عمر بہت زیادہ تھی اور دونوں ہی علیل تھے تاہم اس عمر اور بیماری کی حالت میں بھی وہ ایک دوسرے کی دیکھ بھال کر رہے تھے۔غازی علی نامی معمر شخص راس الخیمہ شہر کے شمال میں 40 کلومیٹر کے فاصلے پر وادی غاللہ میں اپنی اہلیہ کے ساتھ مقیم تھے۔معمر اماراتی شخص 1913ء میں پیدا ہوئے تھے جنہوں نے پیر کے روز ساڑھے پانچ بجے آخری سانسیں لیں۔غازی علی کے پوتے کا کہنا ہے کہ دادا موذی بیماریوں میں مبتلا تھے۔لیکن جب انہیں اہلیہ کی وفات کی خبر سنائی گئی تو وہ برداشت نہ کر سکے۔ان کا مزید کہنا ہے کہ میں اداس ہوں لیکن مجھے یقین ہے کہ وہ ایک سکون میں ہیں۔بتایا گیا ہے کہ معمر جوڑے میں اتنا پیار تھا کہ شاذ و نادر ہی ایک دوسرے سے الگ رہتے تھے۔دونوں کی دو بیٹیاں اور ایک بیٹا ہے۔ بیٹے کی عمر 60 سال ہے۔ بیوی کو 3 فروری بروز پیر کو 9 بجے دفن کیا گیا جب کہ ان کے شوہر غازی علی کو اگلے ہی روز فجر کے بعد ان کے ساتھ ہی سپرد خاک کر دیا گیا۔