کینبرا(این این آئی)آسٹریلیا کے جنگلات میں لگی آگ اور مٹی کے طوفان نے جہاں لوگوں کی مشکلات میں اضافہ کردیاہے تو وہیں آسمان نارنجی رنگ میں تبدیل ہوگیا۔میڈیارپورٹس کے مطابق موسم کی خرابی اکثر ناصرف مشکل صورتحال پیدا کردیتی ہے بلکہ لوگوں کوخوفزدہ بھی کردیتی ہے۔ آسٹریلیا میں موسم کی ایسی سختی اْس وقت دیکھی گئی جب اچانک مٹی کا طوفان اْمڈ آیا اور آسمان نارنجی رنگ میں تبدیل ہوگیا جس نے ہر شخص کو خوفزدہ کردیا۔آسٹریلیا کی ریاست وکٹوریہ میں

جہاں جنگلات میں لگی آگ نے شہریوں کو مشکل میں ڈالا ہوا ہے وہیں گزشتہ روز مٹی کے طوفان نے اْن کی مشکلات میں مزید اضافہ کردیا جبکہ تیز ہواوں کے ساتھ اْڑتی ریت اور دْھول مٹی سے جہاں نظام زندگی درہم برہم ہوگیا وہیں ٹریفک کی روانی بھی بْری طرح متاثر ہوئی اور ہوا میں اْڑتی ریت اور مٹی کے باعث کئی افراد کو مشکلات کا سامنا کرنا پڑا۔رپورٹ کے مطابق موسم کی خراب صورتحال کے باعث انتظامیہ کی جانب سے لوگوں کو گھر سے باہر نکلتے ہوئے احتیاط کی تاکید کی گئی ہے۔‎

موضوعات:آسٹریلیا آسمان نارنجی رنگ میں تبدیل جنگلات