اسلام آباد (مانیٹرنگ ڈیسک)امریکی گلوکارہ کی تلاوت قرآن مجید کی ویڈیو سوشل میڈیا پر بے حد مقبول ہو رہی ہیں ۔ تفصیلات کے مطابق اسلام قبول کرنے والی امریکی معروف گلوکارہ جینفر جروات کی دو ویڈیو بے حد مقبول ہو رہی ہیں ، ویڈیو میں دیکھا جاسکتا ہے کہ وہ ایک ویڈیو میں آیت الکرسی کی تلاوت جبکہ دوسری ویڈیو میں پہلے پارے کی سورۃ البقرہ کی آیت نمبر 285تا286کی تلاوت کر رہی ہیں ۔ سورۃ البقرہ کی تلاوت کے

دوران محترمہ نے اپنے سر پر دوپٹہ اوڑھ رکھا ہے ۔ تلاوت کی ویڈیو کو سوشل میڈیا پر شیئر کرتے ہوئے جینفر جراوت نے لکھا کہ انہوں نے اس ویڈیو میں مصر کےشہرہ آفاق قاری محمد صدیق المشاوی کے طرز پر قرآن پاک کی تلاوت کرنے کی ایک چھوٹی سی کوشش کی ہے ۔ ایک سوال کے جواب میں انہوں نے لکھا کہ میں نے 2013ء میں اسلام قبول کر لیا تھا ۔ جینیفر جراوت نے بتایا کہ انہوں نے مراکش میں اسلام قبول کیا تھا۔