مقبوضہ بیت المقدس (این این آئی)اسرائیل میں نیسٹ کے حالیہ انتخابات اور حکومت کی تشکیل میں ناکامی کے بعد شدت پسند اسرائیلی لیڈر بنجمن اس وقت ایک نئی مشکل سے دوچار ہوگئے ۔میڈیارپورٹس کے مطابق اسرائیلی اٹارنی جنرل ایوچائی منڈیلبلیٹ نے وزیراعظم بنجمن نیتن یاہو کے خلاف بدعنوانی کے الزامات میں اس پر فرد جرم عا ئدکی ۔ پراسیکیوٹر جنرل کے اس اقدام سے
اس پرمزید ابہام پیدا کیا گیا کہ حتمی نتائج کے بغیر اس سال حکومت کی تشکیل کون کرے گا؟۔وزارت انصاف کے ایک بیان میں کہا گیا کہ اٹارنی جنرل نے وزیر اعظم کے وزارت عظمی کے دوران رشوت ، فراڈ اور اختیارات کے غلط استعمال کے تین مقدمات میں فرد جرم عائد کرنے کا فیصلہ کیا ہے۔تاہم نیتن یاھو نے پراسیکیوٹر جنرل کے تمام الزامات بے بنیاد قرار د ئیے ہیں۔
