واشنگٹن(این این آئی)امریکی صدر ڈونلڈ ٹرمپ نے کہا ہے کہ شام میں جنگ بندی بڑے اچھے طریقے سے جاری ہے۔غیرملکی خبررساں ادارے کے مطابق انھوں نے یہ بات ترک صدر رجب طیب ایردوآن سے باضابطہ ملاقات سے قبل صحافیوں سے گفتگو کرتے ہوئے کہی ۔ اس سے پہلے انھوں نے صدر ایردوآن کا وائٹ ہاؤس پہنچنے پر

پْرتپاک خیر مقدم کیا۔صدر ٹرمپ نے کہا کہ امریکا کے ترکی کے ساتھ اچھے تعلقات استوار ہیں۔ ان کی انتظامیہ نے کردوں سے بھی بات چیت کی ہے اور وہ بظاہر مطمئن لگ رہے ہیں۔انھوں نے بتایا کہ وہ صدر ایردوآن سے ترکی کے روس سے میزائل دفاعی نظام کی خریداری کے معاملے اور دونوں ملکوں کے درمیان دوطرفہ تجارت سے متعلق امور پر بھی تبادلہ خیال کریں گے۔

موضوعات:ترکی،امریکا،رجب طیب ایردوآن،ڈونلڈ ٹرمپ،شام،جنگ بندی