میکسیکو (این این آئی) میکسیکو کے شمالی علاقے سینالوا میں سکیورٹی فورسز نے منشیات فروش گینگ کے سرغنہ ال چاپو کے بیٹے کو گرفتار کرنے کے بعد گینگ کے ساتھ فائرنگ کے تبادلے کے بعد اسے چھوڑ دیا۔غیر ملکی میڈیا کے مطابق پولیس نے علاقے میں ال چاپو کے بیٹے اور منشیات کی سمگلر جوکوئن ال چاپو کو گرفتار کیا جس کے بعد اس کے ساتھیوں نے پولیس پر دھاوا بول دیا تھا۔جھڑپوں کے دوران کئی گاڑیوں کو آگ لگ گئی
اور شہری جان بچانے کے لیے ادھر ادھر بھاگتے نظر آئے۔کئی گھنٹے جاری رہنے والی جھڑپوں کے بعد پولیس کو مجبوراً جوکوئن کو چھوڑنا پڑا۔میکسیکو کے سیکریٹری دفاع لوس کریسینسیو ساندووال نے کہا ہے کہ واقعے میں 5 حملہ آور، ایک نیشنل گارڈ کا رکن، ایک شہری اور ایک قیدی ہلاک ہوئے ہیں۔قبل ازیں سینالوا پبلک سیکیورٹی کے سیکریٹری کرسٹبال کاسٹیڈا نے کہا تھا کہ واقعے میں 21 افراد زخمی ہوئے جبکہ 27 قیدی جیل توڑ کر بھاگ نکلے۔
