تہران (این این آئی)ایرانی آرمی کے کمانڈر میجر جنرل عبدالرحیم موسوی نے کہاہے کہ اسرائیل کا خاتمہ قریب ہے۔ انھوں نے خبردار کیا ہے کہ اگر خطے میں کوئی بھی کشیدگی پیدا ہوتی ہے تو اس سے دشمن سب سے زیادہ غیرمحفوظ صورت حال سے دوچار ہوجائیں گے۔ ایک بیان میں انہوں نے کہاکہ ہر کوئی صہیونی نظام کا جلد خاتمہ دیکھے گا اور یہ دن کوئی زیادہ دور نہیں۔انھوں نے یہ بھی دعویٰ کیا کہ مزاحمتی محاذ امریکا اورسامراج نظام
کا دھڑن تختہ کردے گا۔جنرل موسوی نے کہاکہ دشمن اس بات سے بخوبی آگاہ ہیں کہ خطے میں کوئی بھی کشیدگی اور عدم تحفظ انھیں سب سے غیرمحفوظ صورت حال سے دوچار کردے گا۔ان کا کہنا تھا کہ امریکا صرف اس وقت تک ہی کسی ملک کی حمایت کرتا ہے جب تک وہ اس کے مفادات کا تحفظ کرتا ہے۔امریکا نے اپنے انتہائی دباؤ کی پالیسی کے ذریعے ایران کو ’’توڑنے‘‘ کی کوشش کی ہے لیکن وہ اس میں ناکام رہا ہے اور آج امریکا کنفیوزہے۔
