لندن (این این آئی)مقبوضہ کشمیر میں بھارتی مظالم کیخلاف لندن میں احتجاجی مظاہرہ کیا گیا،مظاہرین نے گاندھی کے مجسمے کو بھی کشمیر کا پرچم تھمادیا۔تفصیلات کے مطابق لندن میں مقبوضہ کشمیر میں بھارتی مظالم کیخلاف احتجاجی مظاہرہ کیا گیا،مظاہرے میں بڑی تعداد میں پاکستانی اور کشمیری شہریوں نے شرکت کی۔ مظاہرین نے پارلیمنٹ اسکوائر پر احتجاج کے بعد ریلی کی شکل میں بھارتی ہائی کمیشن

جا کر احتجاج ریکارڈ کرایا۔لندن میں بھارتی ہائی کمیشن کو مظاہرین نے گھیرے میں لے کر بھارتی وزیراعظم نریندر مودی کے خلاف زبردست نعرے بازی کی۔کشمیریوں کے جلوس کے روٹ پر ٹریفک مکمل جام ہوگیا۔ مظاہرین نے وہاں گاندھی کے مجسمے کو بھی کشمیر کا پرچم تھما دیا۔بعد ازاں کشمیریوں کے مظاہرے کے دوران 15 ارکان پارلیمنٹ نے 10 ڈاؤننگ اسٹریٹ پر پٹیشن پیش کی۔