ڈھاکہ(این این آئی)روہنگیا مہاجرین کی بنگلہ دیش سے میانمار واپسی کا منصوبہ دوبارہ ناکامی سے دوچار ہو گیا ہے۔ غیرملکی خبررساں ادارے کے مطابق بنگلہ دیش کے ریفیوجی کمشنر نے کہاکہ میانمار واپسی کے لیے کوئی بھی روہنگیا مہاجر طے شدہ مقام پر نہ پہنچا۔ روہنگیا مہاجرین کے مطابق میانمار کی ریاست

راکھین ان کے لیے اب بھی محفوظ نہیں ہے۔ دوسری جانب روہنگیا مہاجرین کی واپسی کے لیے بنائی گئی فہرست بھی خفیہ طور پر اور متاثرہ مہاجرین کی اجازت کے بغیر ہی تیار کی گئی ہے۔ دو سال قبل لاکھوں روہنگیا مہاجرین میانمار حکومت کے پرتشدد فوجی آپریشن سے فرار ہو کر بنگلہ دیش پہنچ گئے تھے۔