پیرس (این این آئی)فرانسیسی دارالحکومت پیرس کے ایک نواحی علاقے میں ایک شخص نے سینڈ وچ تاخیر سے لانے پر ویٹر کو گولی مار کر ہلاک کر دیا۔ غیرملکی خبررساں ادارے کے مطابق اٹھائیس سالہ ویٹر کو موجود افراد نے بچانے کی کوشش کی لیکن طبی امداد پہنچنے سے قبل ہی وہ دم
توڑ گیا۔ پولیس نے اس قتل کی واردات کی تفتیش شروع کر دی ہے۔ عینی شاہدین کے مطابق مبینہ ملزم نے ویٹر کو سینڈوچ دیر سے لانے پر پہلے برا بھلا کہا اور پھر ہینڈگن سے گولی مار دی۔ ملزم اس واردات کے بعد فرار ہو گیا ہے اور اْس کی گرفتاری کے لیے کارروائی شروع کر دی گئی ہے۔
