اسلام آباد(مانیٹرنگ ڈیسک)بنکاک میں یکے بعد دیگرے 6 دھماکے ،عالمی میڈیا رپورٹس کے مطابق بنکاک میں ہونے والے تمام دھماکے ٹائم ڈیوائسز سے کیے گئے۔ جبکہ ساتویں دھماکے کی کوشش کو ناکام بنا دیا گیا ۔پولیس کا کہنا ہے کہ ان میں سے ایک دھماکہ انٹرنیشنل ائیرپورٹ کے قریبی علاقہ میں ہوا۔ مقامی پولیس کے مطابق دھماکوں کے نتیجے میں
تین افراد معمولی زخمی ہوئے۔ عینی شاہدین کا کہنا ہے کہ دھماکے میں ایک سکیورٹی گارڈ بھی زخمی ہوا۔ پولیس کا کہنا ہے کہ دھماکوں کے بعد اہم مقامات کو گھیرے میں لے کر تلاشی شروع کر دی گئی ہے۔یاد رہے بنکاک میں اس وقت ایسوسی ایشن آف ساؤتھ ایشین نیشن ( آسیان) سکیورٹی سمٹ جاری ہے جس میں امریکہ ، چین اور روس کے وزرائے خارجہ شریک ہیں ۔
