بڈاپسٹ (این این آئی)تائیوان کے معاملے پر چین کے اعلی ترین سفارت کار وانگ یی نے امریکا کو خبردار کیا ہے کہ وہ آگ سے نہ کھیلے۔غیرملکی خبررساں ادارے کے مطابق وانگ نے یہ بیان ہنگری کے دورے کے موقع پر دیا۔ ان کے بقول کوئی بھی بیرونی قوت چین کے اتحاد کو نہیں روک
سکتی۔ وانگ یی کا یہ بیان امریکی محکمہ خارجہ کے اس اقدام کے رد عمل میں سامنے آیا جس کے تحت محکمے نے تائیوان کو دو اعشاریہ دو بلین ڈالر کے اسلحے کی فروخت کی منظوری دے دی ہے۔ چین تائیوان کو اپنا حصہ مانتا ہے حالاں کہ تائیوان میں اپنی جمہوری حکومت قائم ہے۔
