اسلام آباد(مانیٹرنگ ڈیسک)کینیڈا میں باسکٹ بال کی چیمپئن بننے والی ٹیم کے جشن میں فائرنگ، 4 افراد زخمی ، پولیس نے 3 افراد کو حراست میں لےکر اسلحہ برآمد کرلیا۔عالمی میڈیا رپورٹس کے مطابق باسکٹ بال کی چیمپئن بننے والی کینیڈین ٹیم ٹورنٹو ریپٹرز کی پریڈ میں فائرنگ کی گئی جس سے 4 افراد زخمی ہوگئے۔کینیڈین وزیراعظم جسٹن ٹروڈو بھی ٹورنٹو ریپٹرز

کی پریڈ میں اسٹیج پر موجود تھے۔وزیراعظم جسٹن ٹروڈو اور اعلیٰ حکام کو ہجوم سے بحفاظت نکال لیا گیا۔واقعے کے بعد افراتفری مچ گئی ،ہسپتالوں میں ایمرجنسی نافذ کر دی گئی ہے ۔ پولیس حکام کے مطابق کینیڈین ٹیم کی جیت پر جشن منانے کے لیے 20 لاکھ افراد موجود تھے۔ پولیس نے اسلحے سمیت 3 افراد کو گرفتارکرلیا۔واقعے کی تفتیش کا آغاز کردیا گیا ہے ۔