ماسکو(این این آئی)روسی حکومت نے کہا ہے کہ اس کی جانب سے ماہرین کی وینزویلا میں تعیناتی دونوں ممالک کے درمیان عسکری معاہدے کے نتیجے میں کی گئی ہے اور اس سے خطے کی سلامتی اور استحکام کو کسی قسم کا خطرہ لاحق نہیں ہے۔غیرملکی خبررساں ادارے کے مطابق گزشتہ روز ایک بیان میں روسی
وزارت دفاع کی ترجمان ماریہ ساخارووا نے وینزویلا میں روسی عسکری موجودگی سے متعلق امریکی خدشات کو مسترد کرتے ہوئے کہا کہ ایسی تمام افواہیں بے بنیاد ہیں۔ ان کا کہنا تھا کہ روس کی جانب سے ماہرین کو وینزویلا بھیجا گیا ہے اور اس سے خطے کی سلامتی اور استحکام کو کسی قسم کا خطرہ لاحق نہیں ہے۔
