ریاض(این این آئی)سعودی عرب میں خادم الحرمین الشریفین کپ کے حصول کے لیے ہونے والے گھوڑ دوڑ کے مقابلے میں شرکت کے موقع پر متحدہ عرب امارات کے نائب صدر اور حاکم دبئی الشیخ محمد بن راشد آل مکتوم نے سعودیہ کے تاریخی علاقے العلا کا دورہ کیا۔ ان کے صاحبزادے
اور دبئی کے ولی عہد الشیخ حمدان نے اپنے والد کے ہمراہ العلا کے سیاحتی دورے کیدوران لی گئی تصاویر سوشل میڈیا پر پوسٹ کی ہیں جنہیں غیرمعمولی طوپر سراہا گیا ہے۔غیرملکی خبررساں ادارے کے مطابق الشیخ راشد آل مکتوم نے سعودی عرب کے اس تاریخی علاقے کے دورے کے دوران تاریخی مقامات کو دیکھ کر حیرت کا اظہار کیا اور وہ ان تاریخی مقامات اور علاقے کے قدرتی حسن کو دیکھ کر بے حد متاثر ہوئے۔خیال رہے کہ سعودی عرب میں ہونے والے گھوڑ دوڑ کے مقابلے میں ایم سیون اور ایم آرآیم نامی ٹیموں کے درمیان مقابلہ تھاجس میں 12 ملکوں کے 237 گھوڑے شامل کیے گئے تھے۔اس مقابلے کا اہتمام العلا گوعرنری کی شاہی اتھارٹی کی طرف سے کرایا جاتا ہے جس میں جیتنے والے کو خادم الحرمین شاہ سلمان بن عبدالعزیزآل سعود کپ پیش کیا جاتا ہے۔ اس کی مالیت 15 ملین ریال رکھی گئی ہے۔مقابلے میں شامل گھوڑے چار مختص راستوں سے 120 کلو میٹر کا سفر طے کرتے ہیں اور انہین یہ سفر آٹھ گھنٹوں میں مکمل کرنا ہوتا ہے۔
