نئی دہلی(آن لائن)بھارتی آرمی چیف جنرل بپن راوت نے دھمکی دی ہے کہ پتھراؤ کرنے والے مظاہرین کو گولی سے جواب دیا جائے گا۔امریکی نشریاتی ادارے کو انٹرویو میںآرمی چیف بپن راوت نے کہا کہ ہلاکت خیز پیلٹ پتھراؤ کا مقابلہ پیلٹ گن کی گولیوں سے کیا جائے گا۔ پتھراؤ کرنے والے مظاہرین بھی دہشت گرد ہیں۔ جنرل بپن راوت نے اپنی منطق پراصرار کرتے ہوئے کہا کہ موجودہ حالات میں پتھر بھی ایک جان لیوا ہتھیار کے طور پراستعمال ہو رہا ہے جس کے دفاع
میں فائرنگ کی جا سکتی ہے۔ میں اپنے سپاہیوں کو پتھر سے مرنے نہیں دوں گا۔ بھارتی آرمی چیف نے کہا کہ عمومی طور پر فورسز مظاہرین کو براہ راست گولیوں کا نشانہ نہیں بناتے کیوں کہ ایسا کرنے پر اہلکاروں کو عدالت کا سامنا کرنا پڑتا ہے لیکن اب صورت حال مختلف ہے اب پتھر بھی گولیوں سے کم نہیں۔ بھارتی آرمی چیف نے مزید کہا کہ جب کبھی میری سپاہی پتھراؤ کا جواب دینے کے حوالے سے پوچھتے ہیں تو میرا یہی جواب ہوتا ہے کہ پیلٹ پتھراؤ کے جواب میں بندوق استعمال کریں۔
