صنعاء (انٹرنیشنل ڈیسک)یمن کے صدر عبد ربہ منصور ھادی نے الزام عاید کیا ہے کہ ایران بحیرہ روم کے اطراف میں فارسی شہنشاہیت قائم کرنے کا خواہاں ہے۔ یمنی قوم اپنے عرب اتحادیوں کے ساتھ مل کر ایران کے مذموم عزائم کو ناکام بنائے گی۔عرب ٹی وی کے مطابق صدر ھادی نے 14 اکتوبر کے انقلاب کی 55 ویں سالگرہ کے موقع پر ایک تقریب سے خطاب میں کہا کہ یمن کے شمالی حصے میں جاری شورش کو جنوبی یمن میں نہیں پھیلنے دیں گے۔ انہوں نے کہا کہ یمنی قوم

کے دشمن عوام کو آپس میں لڑانا چاہتے ہیں۔ ہم کسی صورت میں جنوبی یمن کے عوام کو آپس میں الجھنے نہیں دیں گے۔صدر عبد ربہ منصور ھادی کا کہنا تھا کہ ایران بحر احمر کے کنارے فارسی بادشاہت قائم کرنا چاہتا ہے۔ انہوں نے کہا کہ یمن میں لڑائی کے دوران ایرانی پاسداران انقلان اور لبنانی حزب اللہ کے جنگجو بھی پکڑے گئے ۔گرفتار ایرانی جنگجوؤں نے اعتراف کیا کہ وہ ایران کی فارسی شہنشاہیت کے قیام کے لیے لڑ رہے ہیں۔ فارسی شہنشاہیت کا منصوبہ ایران نے تیار کیا ہے۔