نئی دہلی(انٹرنیشنل ڈیسک)امریکا اور بھارت کے درمیان ٹو پلس ٹو ڈائیلاگ دو بار منسوخ ہونے کے بعداب ستمبر میں نئی دہلی میں ہوں گے۔بھارتی ٹی وی کے مطابق ملاقات میں بھارت اور امریکا کے درمیان اسٹریٹیجک، سیکورٹی اور دفاعی تعاون بڑھانے پر بات کی جائے گی۔دونوں ملکوں کے درمیان اعلی سطح پر ہونے والی ملاقات 6 ستمبر کو ہو گی۔

جس کی تصدیق امریکی حکام کی جانب سے بھی کی جاچکی ہے۔امریکی وزیر خارجہ مائیک پومپیو اوروزیر دفاع جیمس میٹس اعلیٰ سطحی اجلاس میں شرکت کے لیے بھارت کا دورہ کریں گے اور اپنے بھارتی ہم منصبوں سے ملاقات کریں گے۔بھارتی میڈیا کے مطابق ٹو پلس ٹو ڈائیلاگ میں مشترکہ مفادات کے دو طرفہ علاقائی اور عالمی امور پر بات ہوگی۔