نئی دہلی( انٹرنیشنل ڈیسک)بھارتی وزیراعظم نریندر مودی کے خلاف عدم اعتماد کی تحریک آج(جمعہ کو) پیش کی جائے گی، بی جے پی کے چیف ویپ نے اراکین کو حاضر رہنے کے نوٹس بھیج دیئے ۔بھارتی ٹی وی کے مطابق نریندر مودی کے خلاف عدم اعتماد کی تحریک پیش کیے جانے کے حوالے
سے بی جے پی کے چیف ویپ انوراگ ٹھاکر نے اراکین کو حاضر رہنے کے نوٹس بھیجے۔اپنے ایک ٹویٹ میں بی جے پی کے چیف ویپ نے اراکین اسمبلی کو پارلیمنٹ میں اپنا مثبت کردار ادا کرنے کی درخواست کی ہے۔یاد رہے کہ انوراگ ٹھاکر کو حال ہی میں حکمران جماعت کا چیف ویپ مقر کیا گیا ہے۔
