پیرس(نیوز ڈیسک)فرانسیسی صدر عمانویل ماکروں نے مسلمانوں کو مکمل مذہبی آزادی دینے کا اعلان کر دیا، ‘اسلام اور جمہوریہ فرانس کے درمیان پیچیدگی کا کوئی سبب ہرگز نہیں ہے’۔ بین الاقوامی ذرائع ابلاغ کے مطابق فرانسیسی صدر عمانویل ماکروں نے سوموار کے روز پارلیمنٹ سے خطاب میں اسلام کے حوالے سے ایک پراسرار بیان دیا جس پر سیاسی حلقوں میں ملے جلے تبصرے جاری ہیں۔ انہوں نے یقین دلایا کہ وہ ملک میں مسلمانوں مذہبی آزادی کے لئے قانون سازی کریں گے۔

فرانسیسی صدر نے مغربی پیرس میں ‘فرسائی’ کے مقام پر پارلیمنٹ کے اجلاس سے خطاب میں کہا کہ ‘اسلام اور جمہوریہ فرانس کے درمیان پیچیدگی کا کوئی سبب ہرگز نہیں ہے’۔انہوں نے مزید کہا کہ وہ خزاں کے پارلیمانی سیزن میں فرانس میں مسلمانوں کے امور کو مزید سہل بنانے کے لیے نئے قواعد وضع کریں گے۔ ان کا کہنا تھا کہ ہم مسلمانوں کو اپنے ملک میں اپنے مذہب کے مطابق زندگیاں بسرکرنے کے لیے مزید سہولیات مہیا کریں گے اور انہیں ہرممکن آزادی فراہم کریں گے تاکہ وہ اپنے مذہبی امور کو کسی رکاوٹ کے بغیر ادا کرسکیں۔

موضوعات:صدر عمانویل ماکروں فرانس