نئی دہلی (سی پی پی )بھارت میں چار ماہ کی ایک بچی کیساتھ جنسی زیادتی اور پھر اسے قتل کر دینے والے 21سالہ ملزم کو سزائے موت کا حکم سنا دیا گیا ہے۔ مجرم نے اس جرم کا ارتکاب گزشتہ ماہ کیا تھا۔ سزائے موت کا حکم مدھیہ پردیش کے شہر اندور کی ایک عدالت نے سنایا۔ یہ سزا بچوں کو جنسی حملوں سے بچانے کے ملکی قانون کے تحت
سنائی گئی۔ مدھیہ پردیش کے وزیر اعلی شیوراج سنگھ چوہان نے اس حوالے سے کہا کہ اس مقدمے کی سماعت ریکارڈ حد تک کم مدت میں مکمل کی گئی اور آئندہ بھی ایسے جرائم کے مرتکب مجرموں کو سزائیں دلوانے میں کوئی تاخیر نہیں کی جائے گی تاکہ معاشرے کو خواتین اور بچیوں کے لیے محفوظ بنایا جا سکے۔
