ریاض(آن لائن)یمنی باغیوں کی جانب سے سعودی عرب کے دارالحکومت ریاض پر 2 میزائل داغے گئے،جن کو سعودی ڈیفنس سسٹم نے فضا میں ہی نکارہ بنا دیا ۔بد ھ کو ترجمان سعودی اتحاد کی جانب سے جاری کردہ بیان میں کہا گیا کہ ایران نواز حوثیوں باغیوں کی جانب سے دارالحکومت ریاض پر مزید 2بیلسٹک میزائلوں کے ذریعے حملے کئے گئے،

جن کو سعودی ڈیفنس سسٹم نے فضا میں ہی ناکارہ بنا دیا۔واضح رہے کہ اس سے قبل بھی یمنی حوثی باغیوں کے سعودی عرب پر بیلسٹک میزائل حملے میں ایک شخص جاں بحق،جبکہ 2 افراد زخمی ہوئے تھے۔اتحادی افواج نے سعودی سرزمین پر داغے جانے والے 7 میزائلوں کو فضا میں ہی تباہ کر دیا تھا۔ان میں سے 3 میزائلوں کا رخ سعودی عرب کے دارالحکومت ریاض کی جانب تھا۔

موضوعات:سعودی عرب