اسلام آباد(مانیٹرنگ ڈیسک)بھارت کے ایک تیلگونیوز ٹی وی کی اینکر نے اپنے اپارٹمنٹ  سے چھلانگ لگا کر خود کشی کر لی۔بھارتی میڈیا کے مطابق36 سالہ وی رادھیکا ریڈی V6نیوز چینل میں خبریں پڑھتی تھی ،جس نے گزشتہ را ت موسپاٹ کے سیریویلہ اپارٹمنٹ میں خود کشی کرلی۔خود کشی کے حوالے سے ایک خط خاتون اینکر کے پرس سے ملا ہے جو کہ تیلگو زبان میں لکھا گیا ہے۔اس خط کے مطابق اس کی موت کا ذمہ دارکوئی شخص نہیں

بلکہ وہ بذات خود اس کی ذمہ دار ہیں۔رادھیکا مطلقہ تھیں جن کا 14سالہ بیٹا بھی تھاجو کہ ذہنی معذور ہے۔وہ 6سال سے طلاق کے بعد اپنے بیٹے اور باپ کے ساتھ رہائش پذیر تھیں۔عینی شاہد کا کہنا ہے کہ رادھیکا اتوار کی رات کو اپنے آفس سے واپس آئی تو وہ اپنے فلیٹ میں جانے کی بجائے سیڑھیاں چڑھ کر عمارت کی آخری منزل پر چلی گئیں اور وہاں سے چھلانگ لگادی۔پولیس کو شک ہے کہ اس نے یہ خود کشی ذہنی دباﺅ کی وجہ سے کی ہے۔