سائو ٹومی (آئی این پی/زنہوا ) چین کے وزیر خارجہ وانگ یی نے گذشتہ روز یہاں افریقی ممالک پر زور دیا کہ وہ چین افریقہ تعاون کے مواقعوں کو ضائع نہ کرے ۔ سائوٹومی اور پرنسپ میں پریس کانفرنس سے خطاب کرتے ہوئے وانگ یی نے کہا کہ انہیں امید ہے کہ چین افریقہ تعاون میں کسی افریقی ملک کو خارج نہیں کیا جائے گا ،چینی وزیر خارجہ افریقی ممالک کے اپنے سال نو کے دورے کے آخری مرحلے میں
سائو ٹومی اور پرنسپ آئے ہوئے تھے، سائوٹومی اور پرنسپ نے تائیوان کے ساتھ ’’سفارتی مراسم ‘‘ منقطع کرنے کے تین سال بعد چین کے ساتھ سفارتی تعلقات بحال کئے ہیں ، اس بات پر زوردیتے ہوئے کہ چین دنیا میں واحد ایک چین ہے اور تائیوان چینی علاقے کا جزو لاینفعک ہے ، چینی وزیر خارجہ نے چین کے ساتھ سفارتی تعلقات بحال کرنے کے سائو ٹومی اور پرنسپ کے درست فیصلے کو سراہا ۔انہوں نے کہا کہ اس اقدام کے بعد سے دونوں ممالک کے درمیان تمام شعبوں میں تبادلے بحال ہو گئے ہیں اور ان سے سائوٹومی اور پرنسپ کو مفید فوائد حاصل ہوئے ہیں۔انہوں نے کہا کہ چین اب چین ۔افریقہ تعاون کے بارے میں فورم (ایف او سی اے سی ) اور بیلٹ و روڈ منصوبے کے فریم ورک کے تحت افریقہ کے ساتھ اپنے جامع تعاون میں تیزی پیدا کررہا ہے اور آزادانہ ترقی کی افریقہ کی کوششوں کی حمایت کرتا ہے تا ہم انہوں نے کہا کہ بعض ایسے افریقی ممالک جن کے تائیوان کے ساتھ سفارتی تعلقات ہیں نے انہیں چین کے ساتھ معمول کے تعلقات قائم کرنے اور چین افریقہ تعاون فورم میں شامل ہونے سے روک رکھا ہے۔انہوں نے کہا کہ مجھے امید ہے کہ کوئی بھی افریقی ملک تیزی سے ترقی کرنے چین کی وجہ سے پیدا ہونے والے تاریخی مواقعوں کو ضائع نہیں کرے گا ۔انہوں نے کہا مجھے یقین ہے کہ تمام افریقی بھائی اور بہنیں چین کے اتحاد کے نصب العین میں چینی عوام کا ساتھ دیں گے۔
