راجھستان (مانیٹرنگ ڈیسک) بھارت کی ریاست جے پور میں انسانیت سوز واقعہ، ایک بھارتی شہری نے ماں کو خوش نہ رکھنے پر اپنی دونوں بیویوں کو جلا دیا، پولیس رپورٹ کے مطابق دیپا رام نامی ایک شہری نے اپنی دونوں بیویوں کو زیورات دلانے کا کہا اور انہیں اپنے ساتھ لے جا کر اس نے انہیں زندہ جلا دیا، دیپا رام نے اپنے جرم کا اعتراف کرتے ہوئے پولیس کو بتایا کہ وہ روز روز کے خاندانی جھگڑوں سے تنگ تھا، پولیس نے بتایا کہ جب وہ گاڑی میں جا رہے تھے تو اسی دوران ان کا
آپس میں جھگڑا ہو گیا، اس دوران وہ گاڑی پر قابو نہ رکھ سکا اس لیے دیپا رام کو مجبوراً گاڑی سائیڈ پر روکنا پڑی، جس پر اس کی ایک بیوی نے باہر نکل کر مقامی لوگوں سے مدد لینے کی کوشش کی مگر اسی لمحے دیپارام نے اپنی بیوی کو گاڑی میں دھکیلا اور دوبارہ گاڑی چلا دی، کچھ دور نکل گیا تو اس نے گاڑی کو روکا اور لاک کر دیا، اس موقع پر دیپا رام نے گاڑی پر پٹرول چھڑک کر اسے آگ لگا دی اس طرح اس کی دونوں بیویاں جل کر راکھ ہو گئی، دیپا رام تین بچوں کا باپ ہے۔
