صنعاء (آئی این پی) یمن کے مقتول سابق صدر علی عبداللہ صالح کو حوثی باغیوں نے ان کے آبائی علاقے الاحمر میں سپرد خاک کردیا گیا۔عرب ٹی وی کے مطابق یمن کے مقتول سابق صدر علی عبداللہ صالح کے خاندان ذرائع نے بتایا ہے کہ حوثی باغیوں نے علی صالح کو ان کے آبائی علاقے الاحمر میں سپرد خاک کردیا گیا ہے۔خاندان ذرائع کا کہنا ہے کہ علی صالح کی تدفین کے وقت ان کے چند ایک قریبی عزیز شریک تھے۔ ان میں مقتول صدر کا بیٹا

مدین، بھتیجا محمد محمد صالح، پارلیمنٹ کے اسپیکر یحیی الراعی اور حوثی لیڈر علی ابو الحاکم بھی شریک تھے۔ذرائع کا کہنا ہے کہ علی صالح کے جنازے کے شرکا کی تعداد 20 تھی۔خیال رہے کہ علی عبداللہ صالح کو گذشتہ سوموار کوحوثی باغیوں نے جنوبی صنعا میں سنحان کے مقام پر اپنے آبائی علاقے کی طرف سیجاتے ہوئے فائرنگ کر کے قتل کردیا تھا۔ اس کے بعد مقتول صدر کا جسد خاکی ایران نواز حوثی باغیوں کے قبضے میں تھا۔