چاغی/کوئٹہ (مانیٹرنگ ڈیسک) بلوچستان کے ضلع چاغی سے متصل افغان علاقے میں امریکی افواج کی پر شد ید بمباری،دھماکوں کی شدت سے بلوچستان کا علاقہ برابچہ لرز اٹھا ،علاقہ مکینوں میں خوف و ہراس پھیل گیا۔تفصیلا ت کے مطابق گزشتہ دو دنوں سے امریکی افواج کی جانب سے چاغی میں پاک افغان بارڈر پر افغانستان کے علاقے میں 3کلو میٹر اندر شد ید فضائی بمباری کی گئی جس کے بارے میں شبہ ظاہر کیا گیا ہے کہ یہ بمباری طالبا ن کے ممکنہ ٹھکانوں پر کی گئی ہے بمباری سے اٹھنے والے شعلے اور آورازیں پا کستان حدود میں بھی دکھائی اور
سنائی دیں جس سے علاقے میں خوف وہراس پھیل گیا اور لوگ گھروں میں محصور ہو گئے ،اس سے قبل پیر کو بھی امریکی افواج کی جانب سے افغا نستان کے علاقے ہلمند میں بھی بمباری کی گئی تھی جس کے بارے میں امر یکہ کے کمانڈر جنرل نکولسن نے کہا تھا کہ بمباری طالبان کی مبینہ نشہ اور چیزیں بنا نے والی فیکٹریوں نشا نہ بنا نے کیلئے کی گئی تھی دوسری جانب طا لبان نے امریکی جنرل کے دعوی ٰ کو مسترد کر تے ہوئے کہا تھا کہ انکی وئی فیکٹری نہیں امر یکہ افغا نستان میں اپنے مظالم چھپا نا چاہتا ہے جس کے لئے وہ ایسے الزام عائد کر رہے ہیں۔
