ابوظبی (این این آئی) متحدہ عرب امارات کی ریاست شارجہ کی پولیس نے پاکستانی شہری کو اْس کی بہادری پر خصوصی اعزاز سے نوازا ہے ۔ اماراتی میڈیا رپورٹس کے مطابق عبدالاحد عبدالقیوم نامی پاکستانی شہری نے بہادری کا مظاہرہ کرتے ہوئے خاتون کی گردن سے سونے کی چین نوچ کر بھاگنے والے چور کو نا صرف پکڑا بلکہ پولیس کے آنے تک اْسے اپنی گرفت میں بھی لیے رکھا ۔بعد ازاں اْسے پولیس نے گرفتار کر لیا ۔

چوری کی کوشش ناکام بنانے اور ملزم کو گرفتار کرانے پر شارجہ پولیس نے عبدالاحد کو خصوصی اعزاز سے نواز کر اْن کی حوصلہ افزائی کی ہے ۔ شارجہ پولیس کے افسر کرنل خلیفہ نے پاکستانی شہری کو اعزازی سرٹیفکیٹ اور ایک تحفہ پیش کیا ۔ اس موقع پر کرنل خلیفہ نے عبدالاحد کی تعریف کرتے ہوئے کہا کہ عبدالاحد نے ایک ذمہ دار شہری ہونے کا ثبوت دیتے ہوئے جرائم کی روک تھام میں پولیس کی مدد کی جو لائق تحسین ہے ۔

موضوعات:شارجہ پولیس