اسلام آباد (مانیٹرنگ ڈیسک) پہلے پاکستان کے دو ٹکڑے کئے تھے اب پاکستان کے چار ٹکڑے کرینگے، مارچ یا اپریل میں بھارتی فوج پاکستان میں کارروائی کیلئے تیار ہو جائےگی، بی جے پی رہنما کی ہرزا سرائی پر

مبنی ویڈیو سامنے آگئی۔ تفصیلات کے مطابق بی جے پی کے رہنما سبرامینن سوامی کی ایک ویڈیو سامنے آئی ہے جس میں انتہا پسند ہندو سیاستدان نے پاکستان کے خلاف ہرزا سرائی کرتے ہوئے کہا ہے کہ بھارتی فوج پاکستان میں مارچ یا اپریل 2018ء میں کارروائی کے لیے تیار ہو جائے گی۔ جس کے بعد ہماری فوج پاکستان میں جا کر تمام مسائل حل کر دے گی۔سبرا مینن سوامی نے اعلان کرتے ہوئے کہا کہ پہلے ہم نے پاکستان کے دو ٹکڑے کیے تھے اب پاکستان کے چار ٹکڑے کریں گے۔ بھارتیہ جنتہ پارٹی کے رہنما کی پاکستان کے خلاف ہرزا سرائی اور گیدڑ بھبھکی پر مبنی ویڈیو سامنے آتے ہی سوشل میڈیا پر صارفین کی ایک بڑی تعداد نے اسے دیوانے کا خواب قرار دیا ہے۔واضح رہے کہ حالیہ دنوں میں بھارت کی جانب سے ورکنگ بائونڈری اور ایل او سی پر سیز فائر معاہدے کی خلاف ورزیوں کا سلسلہ جاری ہے اور بلااشتعال فائرنگ کے واقعات میں شہریوںاور جوانوں کی شہادت کے بعد پاک فوج کی جانب سے سخت اور شدید جوابی کارروائی بھی جاری ہے جس میں بھارتی فوج کا بڑا جانی و مالی نقصان سامنے آیا ہے جس کے بعد بھارتی انتہا پسندوں کی جانب سے اس قسم کی ویڈیوز کا آنااچنبھے کی بات نہیں۔