ماسکو (آئی این پی)سرد جنگ کے عروج پر اپنی حاضر دماغی سے امریکہ اور روس کے درمیان جوہری جنگ شروع ہونے سے روکنے والے سویت یونین کے سابق فوجی افسر سٹانسلاو پیٹروف 77 برس کی عمر میں انتقال کرگئے۔ ان کا انتقال مئی میں ہوگیا تھا تاہم انتقال کی خبر کو عوام کے سامنے

اب لایا گیا ہے۔سویت یونین کے سٹانسلاو پیٹروف 1983 میں روس کی ایک جوہری تنصیب پر متعین تھے جب وہاں پر کمپیوٹر نے الارم پر وارننگ دی کہ امریکہ نے روس کی جانب میزائل داغے ہیں۔ سٹانسلاو پیٹروف نے اندازہ لگایا کہ یہ الارم غلطی سے بجے ہیں اور انھوں نے اپنے حکام تک یہ بات نہیں پہنچائی۔سٹانسلاو پیٹروف کا یہ عمل سالوں بعد منظر عام پر سامنے آیا جس سے یہ پتہ چلا کہ ان کے اس فعل سے ایک ممکنہ جوہری جنگ چھڑنے سے بچ گئی۔ سرد جنگ کے دوران روس اور امریکہ نے ایک دوسرے کو نشانہ بنانے کے لیے بہت سے جوہری ہتھیار تیار رکھے ہوئے تھے۔