اسلام آباد (آئی این پی ) پاکستان کے شمالی علاقوں میں قراقرم ہائی وے کی تعمیر میں مصروف چینی کمپنی نے مانسہرہ کے یتیم بچوں کی مدد کیلئے 8.5ملین روپے ایس او ایس چلڈرن ویلج کے حوالے کر دیئے ہیں، اس عطیے کے ذریعے بچوں کو رہائشگاہوں ،واٹر ہیٹرز اور شمسی توانائی کے ذریعے بجلی کی فراہمی کے انتظامات کئے جائیں گے، یہ ایس او ایس ویلج 1982ءمیں تعمیر کیا گیا تھا جس میں اس وقت 160مقامی یتیم بچے موجود ہیں جن کے تمام اخراجات
مقامی سطح پر عطیات سے پورے کئے جاتے ہیں لیکن عطیات کی یہ رقم بچوں کو بہتر سہولتوں کی فراہمی کیلئے ناکافی ہوتی ہے۔ایس او ایس چلڈرن ویلج کے بورڈ کی رکن خولہ مصطفی نے کہا ہے کہ ہم چینی دوستوں کی طرف سے عطیہ ملنے کا شکریہ ادا کرتے ہیں کیونکہ وہ ہمارا آزمایا ہوا دوست ہے ، چینی کمپنی چائنا روڈ اینڈ برج کارپوریشن (سی آربی سی ) نے یتیم بچوں کی مدد کی ہے اسے دونوں ملکوں کے عوام کے درمیان دوستی کو اور فروغ حاصل ہو گا ۔
