پیرس(مانیٹرنگ ڈیسک) یورپی ممالک پر داعش کے ڈیڑھ سو سے زائد خودکش حملوں کا خطرہ ہے،انٹرپول نے انتباہ جاری کر دیا۔ تفصیلات کے مطابق برطانوی اخبار گارجین کی ایک رپورٹ میں بین الاقوامی پولیس انٹرپول کے حوالے سے کہا گیا ہے کہ یورپی ممالک پرڈیڑھ سو سے زائد خود کش حملوں کا امکان ہے۔ رپورٹ میں بتایا گیا ہے کہ عراق میں داعش کے زیرکنٹرول علاقوں کا قبضہ چھڑانے کے بعد امریکی فوجی ماہرین نے
وہاں سے حاصل کردہ معلومات کا تجزیہ کیا ہے جس میں 173عسکریت پسندوں کی فہرست مرتب کی گئی ہے جو یورپ پر ممکنہ طور پر خودکش حملہ کر سکتے ہیں۔ یہ عسکریت پسند غیر ملکی شہریت کے حامل ہونے کی وجہ سے باآسانی یورپ میں داخل ہونے کی صلاحیت رکھتے ہیں جبکہ داعش نے انہیں خـصوصی تربیت بھی دے رکھی ہے۔ انٹرپول نے ان افراد سے متعلق اطلاع کو فوراََ فراہم کرنے کی اپیل بھی کی ہے۔
