اسلام آباد (مانیٹرنگ ڈیسک) چینی فوج کے مقبوضہ کشمیر میں داخلے کی خبریں، بھارت میں کھلبلی مچ گئی، مزید بھارتی فوجی دستے روانہ، تفصیلات کے مطابق چین نے بھارت کو خبردار کیا ہے کہ سکم طرز پر چین کی فوج کسی بھی وقت پاکستان کی درخواست پر کشمیر کی حدود میں داخل ہو سکتی ہے، ایک چینی جریدے گلوبل ٹائمز میں ایک رپورٹ میں چین کے شنٹرفار انڈین اسٹیڈیز کے ڈائریکٹر لانگ زنگ چن نے لکھا ہے کہ جس طرح بھارت نے بھوٹا ن کے کہنے پر چینی حدود میں بیجا مداخلت کی ہے، اسی طرز پر پاکستان کے درخواست کرنے پر کسی بھی وقت چینی فوج جموں و کشمیر
کی حدود میں داخل ہوسکتی ہے تاکہ بھارتی پیش قدمیکو روکا جائے، چین کی طرف سے اس انتباہ کے بعد بھارتی فوج نے بھی لائن آف کنٹرول پر مزید فوجی دستے روانہ کر دیے ہیں اور اس سلسلے میں فوج کو کسی بھی امکانی صورت حال سے نمٹنے کی ہدایت بھی کر دی گئی ہے، اس سے قبل لیو کانگ جو کہ چینی وزارت خارجہ کے ترجمان ہیں بھی کہہ چکے ہیں کہ چینی لبریشن آرمی ملک کا دفاع کرنے کے لئے تیار ہے لہٰذا بھارت کو سکم کے ڈانگ لانگ علاقے میں گھسنے سے باز رہنا چاہیے۔ واضح رہے کہ بھارت اور چین کی سکم کے ایریے میں کشیدگی کافی عرصے سے جاری ہے۔
