اسلام آباد(مانیٹرنگ ڈیسک)افغان و امریکی فوجیوں کے مرنے سے پہلے کے آخری لمحات کی تصاویر منظر عام پر آگئیں، 4سال بعد تصاویر کو جاری کردیا گیا۔ تفصیلات کے مطابق جولائی 2013میں افغانستان میں افغان فوجیوں کے ساتھ فوجی مشقوں کے دوران حصہ لینے والے امریکی فوجیوں کی حادثاتی طور پر بم پھٹنے سے قبل کی تصاویر جاری کر دی گئی ہیں۔ اس حادثے میں ایک امریکی جنگی فوٹو گرافر بھی ہلاک ہو گیا تھا

جس کے کیمرے میں بم پھٹتے وقت کی تصاویر موجود تھی۔ حادثے میں ایک خاتون امریکی فوجی ہلڈا کلیٹن بھی ہلاک ہو ئی جوامریکی فوج میں جنگی ڈاکومینٹری اور پروڈکشن کی ماہر تھی ۔ ہلڈا مشقوں کے دوران تصاویر بنا رہی تھی۔ ہلڈا کے خاندان نے اب چار سال بعد ان تصاویر کو جاری کرنے کی اجازت دی ہے جسے امریکی فوجی جریدے ملٹری ریویو میںایڈیشن برائے مئی جون میں شائع کر دیا گیا ہے۔