نئی دہلی (مانیٹرنگ ڈیسک) پاکستان کی جانب سے بھارتی جاسوس کلبھوشن یادیو کو سزائے سنائے جانے کے بعد بھارتیوں کو اگرچہ سانپ سونگھ گیا تھا لیکن چند روز بعد ہی بھارت نے پاکستان کیخلاف ایک بار پھر بے بنیاد واویلا شروع کر دیا ہے۔ تفصیلات کے مطابق ایک مرتبہ پھر بھارتی میڈیا نے پاک فوج پر الزام تراشی شروع کردی اور دعویٰ کیا ہے کہ مقبوضہ جموں و
کشمیر کے پونچھ سیکٹرمیں پاک فوج نے سیزفائر کی خلاف ورزی کرتے ہوئے ہمارے دوجوانوں کو ابدی نیند سلادیا۔بھارتی اخبارٹائمزآف انڈیا نے دعویٰ کیا کہ لائن آف کنٹرول کے قریب ایک چیک پوسٹ پر پاک فوج کے راکٹ حملے میں ایک آرمی اور ایک بارڈرسیکیورٹی فورسز کا اہلکار ماراگیاجبکہ صبح ساڑھے آٹھ بجے ہونیوالی فائرنگ کے نتیجے میں ایک اہلکارزخمی بھی ہوگیا۔
