شنگھائی (آئی این پی ) چین کے تین بحری جہازوں پر مشتمل بحری بیڑا گذشتہ روز شنگھائی سے بیس ممالک کے خیر سگالی کے دورے پر روانہ ہو گیا ،بحری بیڑے میں میزائل شکن جہاز چنگ چن اور میزائل بردار جنگ زو اور سپلائی فراہم کرنیوالا چاؤ ہو شامل ہیں ، بحری بیڑا ایشیاء ، یورپ ، افریقہ اور بحراوقیانوس کے 180دن کا دورہ کرے گا ،
اس دورے کا مقصد ان ممالک کے ساتھ دوستانہ تعلقات کو فروغ دینا ، فوجی رابطے اور تعاون کو مزید بڑھانا اور چینی بحریہ کا ایک اچھا تصور پیش کرنا ہے ، چین کی پیپلز لبریشن آرمی ، نیوی کے میاؤہوا نے بحری بیڑے کو الوداع کیا ، تینوں بحری جہاز چین کے اندر تیار کئے گئے ہیں ، تباہ کن جہاز جیانگ زو کو 2016ء میں سمندرمیں اتارا گیا تھا دیگر دو جہاز قبل ازیں کئی دستوں کی قیادت کر چکے ہیں اور وہ کئی مشقوں میں حصہ لے چکے ہیں اور گشتی مشن بھی مکمل کر چکے ہیں ،گذشتہ روز پیپلز لبریشن آرمی نیوی کی 68ویں سالگرہ تھی ۔
