ریاض (این این آئی)سعودی عرب نے 204 پاکستانیوں کو بے دخل کردیا ,سعودی عرب نے 204 پاکستانیوں کو بے دخل کردیا ہے۔نجی ٹی وی کے مطابق سعودی عرب نے مزید 204 پاکستانیوں کوملک بدر کردیا اور ایئرپورٹ ذرائع نے بتایا کہ تمامبے دخل ہونے والے پاکستانیوں میں سے 114 افراد ایمرجنسی پاسپورٹ ٗ 90 افراد پاسپورٹ ضبط ہونے کی بنا ء پر بے دخل کئے گئے ہیں۔واضح رہے کہ اس سے قبل بھی سعودی عرب سینکڑوں پاکستانیوں کی مختلف وجوہات کی بناء پر ملک بد رکرچکا ہے۔تمام بے دخل کئے گئے پاکستانی ملتا ایئرپورٹ پہنچ چکے ہیں۔

جبکہ دوسری جنب سعودی شہر وادی الدواسر میں جھلسنے سے پاکستانی شہری زخمی ہو گیا ۔سعودی میڈیا کے مطابق ریسٹورنٹ میں آگ لگنے سے پاکستانی ورکر جھلس کر شدید زخمی ہو گیا جسے فوری طور پر ہسپتال منتقل کر دیا گیا حکام کے مطابق آگ الحدید روڈ ر واقع ایک ریسٹورنٹ میں لگی جس کے باعث پاکستانی شہری کے جسم کا 30فیصد حصہ جل کر متاثر ہوا ۔ ہسپتال حکام نے بتایا کہ زخمی پاکستانی شہری صحت یا ب ہو رہا ہے