دبئی (آئی این پی)متحدہ عرب امارات کے شہر دبئی میں پولیس نے جعل سازی اور دھوکہ دہی کے الزام میں 2پاکستانیوں کو گرفتار کرلیا ۔خلیج ٹائمز کے مطابق 2پاکستانیوں نے دبئی میں خود کوایک فلیٹ کا مالک ظاہر کرکے ایک کرایہ دار سے 59500درہم کا فراڈ ہتھیا لیے۔30اور28سالہ پاکستانیوں نے جعلی انتقال نامے میں اسے دبئی لینڈ ڈیپارٹمنٹ کی طر ف جاری کیے جانے کا دعویٰ کیا تھا۔ انھوں نے اس دستاویز کی جعل سازی
سے تفصیلات حاصل کر کے اس میں خود کو مالک ظاہر کیا ۔متاثرہ شخص نے ملزمان کو 19مارچ2016میں دو چیکوں کی صورت میں کرایے کی رقم ادا کی تھی۔دونوں ملزمان پرعدالت نے جعل سازی اور دھوکہ دہی کے الزامات عائد کیے تھے ۔پبلک پراسیکوشن کی تحقیقات کے دوران ایک ملزم نے کرایہ داری کے معاہدے میں دستخط کرنے کا اعتراف کیا تھا۔ جعل سازی اور دھوکہ دہی کے الزام میں 2پاکستانیوں کو گرفتار کرلیا
