نئی دہلی (آئی این پی) بھارت نے کہا ہے کہ پاکستانی سرحد کے ساتھ دیوار تعمیر کرنے کا کوئی ارادہ نہیں ہے، پاک بھارت سرحد پر حفاظتی انتظامات کیلئے ایک کثیر الجہتی حکمت عملی اپنائی گئی ہے ۔بدھ کو بھارتی میڈیا کے مطابق حکومت نے راجیہ سبھا کو آگاہ کیا ہے کہ پاکستان کی سرحد کے ساتھ دیوار تعمیر کرنے کا کوئی منصوبہ زیر غور نہیں ہے ۔وزیر مملکت برائے داخلہ امور کرن رججو نے ایک تحریری سوال کے جواب

میں بتایاکہ بھارتی حکومت کے پاس سرحد کے ساتھ ساتھ دیوار تعمیر کرنے کی کوئی تجویز نہیں ۔وزیر مملکت کا کہناتھاکہ بی ایس ایف کی تعیناتی ،سرحدی باڑ کی تعمیر ،سرحدی سڑکوں کی تعمیر،فلڈ لائٹس کی تنصیب،بی او پیز کی تعمیر،نگرانی کے ہائی ٹیک آلات کا استعمال،سیکورٹی فورسز کو ہتھیاروں ا ور خصوصی گاڑیوں کی فراہمی شامل ہے ۔ اس سے قبل بھارت نے پاکستانی سرحد کے ساتھ دیوار کی تعمیر کا اعلان کیاتھا ۔

موضوعات:بھارت