اسلام آباد(نیوزڈیسک)کلبھوشن یادیو کے بارے میں ایران نے کیا پیغام دیا؟بھارتی اخبار نے بھانڈہ پھوڑ دیا،تفصیلات کے مطابق بھارتی میڈیا نے کلبھوشن یادیو کا بھانڈہ خود ہی پھوڑ دیا، بھارتی اخبار انڈین ایکسپریس کے مطابق ایران میں بھی کلبھوشن یادیو کی مشکوک سرگرمیوں کے بارے میں بھارت کو آگاہ کیاتھا،

اخبار نے مزید انکشافات کئے ہیں کہ کل بھوشن یادیو نے نومبر 2003ءمیں پونے سے پاسپورٹ بنوایا جس پر اس کا نام حسین مبارک پٹیل درج تھا۔ نیوی میں کل بھوشن کے ساتھی اسے فراڈ شخص سمجھتے تھے جو لمبے لمبے عرصے تک غیرحاضر رہتا تھا۔ بھارتی میڈیا کے مطابق پاسپورٹ پر دیا گیا کل بھوشن کا گھر کا ایڈریس بھی نامکمل تھا۔جس کی وجہ سے اس کے بیرون ملک منفی سرگرمیوں میں ملوث ہونے کے اشارے بھی ملے ۔ کل بھوشن ممبئی کے ریٹائرڈ اسسٹنٹ کمشنر آف پولیس کا بیٹا ہے۔ اخبار کے مطابق ایران میں بھی اس کی سرگرمیاں مشکوک تھیں۔ ایران نے کلبھوشن کی سرگرمیوں کی تحقیقات سے بھارت کو آگاہ بھی کر دیا تھا۔