طرابلس(این این آئی)معمر قذافی کے حامیوں نے سیف الاسلام قذافی کو ایک مرتبہ پھر سیاسی منظر نامے میں واپس لانے کے لیے تگ و دو شروع کر دی ۔میڈیارپورٹس کے مطابق لیبیا میں نئی بحث چھڑ گئی ہے کہ کیا مستقبل میں سیف الاسلام اقتدار حاصل کرنے کے حوالے سے ایک مضبوط امیدوار ہوگا یا پھر اس کی واپسی کے امکان سے بحران مزید پیچیدہ ہو جائے گا؟اگر لیبیا کے سیاستی رجحانات کا جائزہ لیا جائے تو ہمیں نظر
آئے گا کہ معمر قذافی کا دوسرے نمبر کا یہ بیٹا ابھی تک لیبیا کے لوگوں کے درمیان مقبولیت رکھتا ہے۔ بالخصوص اس کے باپ کے ہمنوا قبائل میں جو ایک عرصے سے سیاسی جماعت بنانے کے ذریعے سیف کی واپسی اور اس جماعت کی قیادت کے انتظامات کر رہے ہیں۔ قبائل کی سپریم کونسل کے ایک رکن اشرف عبدالفتاح کے مطابق سیف الاسلام وہ شخصیت ہے جو ملک کو اس صورت حال سے نکال کر امن کی جانب لا سکتی ہے۔
