ریاض(نیوزڈیسک)کچھ دن قبل صحن کعبہ میں خاتون کو شادی کی پیشکش کرنیوالے کو بعد میں شدید ترین شرمندگی کا سامنا کرنا پڑ گیا،دنیا بھر بالخصوص اپنے ملک سے بھی شدید تنقید کے بعد ٹی آرٹی کے نیوزکاسٹر یوسف اکین نے مجبوراً سوشل میڈیا سے ویڈیو ہٹادی لیکن لوگوں کاغصہ پھر بھی ٹھنڈا نہ ہوا تو یوسف اکین نے اپنا سوشل میڈیا اکاﺅنٹ بھی بند کردیا ہے،
ذرائع کا کہنا ہے کہ بعض افراد کی جانب سے یوسف اکین کو سنگین نتائج کی دھمکیاں بھی دی گئی ہیں اور صحن کعبہ میں اس طرح کے عمل کو ایک ایسی مثال قرار دیا ہے جس کی وجہ سے مستقبل میں پریشانیوں کا سامنا کرنا پڑ سکتاہے،واضح رہے کہ ترکی کے سرکاری ٹی وی چینل ٹی آرٹی کے نیوزکاسٹر یوسف اکین نے صحن کعبہ میں اپنی منگیتر کو شادی کی انگوٹھی پہنا دی تھی، یوسف کا کہنا ہے کہ وہ اس لمحے کا پانچ سال سے انتظار کررہے تھے اور اس بار یہ تہیہ کیا ہواتھا کہ انگوٹھی پہناو?ں گا اور بالاخر یہ خواہش میں نے صحن کعبہ میں ہی پوری کرلی، انہوں نے بتایا تھاکہ میرے والدین بھی یہاں موجود ہیں مجھے ایساکرتے ہوئے شرم بھی محسوس ہوئی لیکن مجھے اس بات پر یقین تھا کہ جو کام کررہاہوں وہ اچھی نیت سے ہے .یوسف کے اس اقدام سے سوشل میڈیاپرشدید ردعمل کا اظہار کیاجارہا ہے –
۔سوشل میڈیاپربیشترصارفین یوسف کی اس حرکت کی وجہ سے غصے میں ہیں ۔ان صارفین کاکہناہے کہ یہ عمل کسی گناہ سے کم نہیں اوراس سے اللہ کے گھرکاتقدس مجروح کیاگیایہ ویڈیو دیکھتے ہی دیکھتے سوشل میڈیا پر وائرل تو ہوئی لیکن سوشل میڈیا صارفین کی جانب سے سخت تنقید پر ت±رک نیوز کاسٹر کو یہ ویڈیو ہٹانا پڑ گئی ہے اورترک نیوز کاسٹر نے اپنا اکاو¿نٹ بھی بند کر دیا ہے۔یوسف اکین پر الزام عائد کیاگیاہے کہ انہوں نے خانہ کعبہ کا تقدس پامال کیا ہے اور انہیں سنگین نتائج کی دھمکیاں مل رہی ہیں۔
