اسلام آباد(مانیٹرنگ ڈیسک)فٹ بال کے دیوانےسابق امریکی صدر کے بھی دیوانے نکلے، فرانسیسیوں نے باراک اوبامہ کو فرانس کا صدر بنانے کیلئے مہم شروع کر دی۔ تفصیلات کے مطابق اپنی صدارتی مدت پوری ہونے کے بعد ریٹائرڈلائف کے مزے لیتے سابق امریکی صدر باراک اوبامہ کو فرانس کا صدر بنانے کیلئے فرانسیسیوں نے آن لائن مہم شروع کر دی ہے ،

مہم کے پوسٹرز پر اوباما کی 2008کی صدارتی انتخابی مہم کا معروف نعرہ’’ہم کر سکتے ہیں‘‘فرانسیسی زبان میں لکھا گیا ہے جبکہ ہزاروں فرانسیسی شہری سابق امریکی صدر باراک اوباما کو فرانس کا صدر بنانے کی اس مہم کا حصہ بن گئے ہیں۔ واضح رہے کہ فرانس کے آئین کے مطابق فرانس کی شہریت کے حامل افراد ہی فرانسیسی سیاست میں حصہ لے سکتے ہیں۔