میونخ(آئی این پی)سعودی عرب نے ایران کی جانب سے مکالمے کی پیشکش کو مسترد کرتے ہوئے الزام عائد کیاہے کہتہران دنیا میں دہشت گردی کو اسپانسر کرنے والا بڑا ملک اور مشرقِ وسطی کے خطے کو عدم استحکام سے دوچار کرنے والی ایک قوت ہے اور وہ ہمیں تباہ کرنا چاہتا ہے۔غیر ملکی میڈیا کے مطابق سعودی وزیر خارجہ عادل الجبیر نے جرمنی کے شہر میونخ میں منعقدہ سکیورٹی کانفرنس سے خطاب کرتے ہوئے

ایران کی جانب سے مکالمے کی پیش کش کو مسترد کردیا اور کہا کہ ایران دنیا میں دہشت گردی کو اسپانسر کرنے والا بڑا ملک ہے،مشرقِ وسطی کے خطے کو عدم استحکام سے دوچار کرنے والی ایک قوت ہے اور وہ ہمیں تباہ کرنا چاہتا ہے۔انھوں نے کہا کہ ایران مشرقِ وسطی کے خطے میں افراتفری چاہتا ہے اور جب تک ایران اپنے رویے اور کردار میں تبدیلی نہیں لاتا ہے،مشرقِ وسطی کے خطے کو عدم استحکام سے دوچار کرنے والی ایک قوت ہے اور وہ ہمیں تباہ کرنا چاہتا ہے۔انھوں نے کہا کہ ایران مشرقِ وسطی کے خطے میں افراتفری چاہتا ہے اور جب تک ایران اپنے رویے اور کردار میں تبدیلی نہیں لاتا ہے،اس وقت تک اس کے ساتھ کوئی معاملہ کرنا بہت مشکل ہوگا۔انھوں نے کہا کہ ایران شامی صدر بشارالاسد کی حکومت کی پشت پناہی کرتا چلا آرہا ہے ،یمن میں حوثی علاحدگی پسندوں کی مالی معاونت کررہا ہے اور پورے خطے میں متشدد گروپوں کی حمایت کررہا ہے۔سعودی وزیر خارجہ کا کہنا تھا کہ عالمی برادری کو ایران کی کارروائیوں کو روکنے کے لیے واضح ”سرخ لکیریں” وضع کرنا ہوں گی۔