جمعہ‬‮ ، 04 اپریل‬‮ 2025 

کینیڈین وزیر اعظم کی پاکستانی ٹرک آرٹ پرتصویر نے کینیڈین میڈیا میں بھی دھوم مچادی

datetime 14  فروری‬‮  2017
ہمارا واٹس ایپ چینل جوائن کریں

اوٹاوا(آئی این پی) کینیڈین وزیر اعظم جسٹن ٹروڈو کی سوشل میڈیا پر وائرل ہونے والی پاکستانی ٹرک آرٹ پرتصویر نے کینیڈین میڈیا میں بھی دھوم مچادی ،کینیڈا کے اہم اخبارات میں جسٹس ٹروڈو کی پاکستانی ٹرک پر بنی تصاویر اور خبریں شائع ہوئی ہیں۔کینیڈین اخبار ’’دی ہل ٹائمز‘‘ کے مطابق وزیر اعظم جسٹن ٹروڈو ملکی انتخابات کے دوران عوامی رائے میں اپنی برتری کچھ حد تک کھو سکتے ہیں

تاہم پاکستان میں وہ اس قدر مشہور ہوئے ہیں کہ وہاں ٹرک ڈرائیوروں نے انکی تصاویر اپنے ٹرکوں پر پینٹ کرا لی ہیں۔سوشل میڈیا ویب سائٹ ٹویٹر اور فیس بک پر بھی پاکستانی ٹرکوں پر بنی کینیڈا کے وزیر اعظم جسٹن ٹروڈو کی تصاویر کو اپ لوڈ کیا گیا اور ان تصاویر پر لوگوں نے مختلف آراء کا اظہار کرتے ہوئے جسٹن ٹروڈو سے اپنی پسندیگی کاا ظہا رکیا۔کینیڈا کے وزیر اعظم جسٹن ٹروڈو اپنے منفرد اور مثبت اقدامات کی وجہ سے دنیا میں خاصی مقبولیت رکھتے ہیں، خوبصورت اور جوان ہونے کے ساتھ ساتھ وہ اپنے ملک میں بسنے والے مسلمان، ہندو، سکھ، یہودی اور دیگر اقلیتوں کی مذہبی عبادت گاہوں کا دورہ کرنے سمیت ان کی تقریبات میں شرکت بھی کرتے ہیں۔مگر گزشتہ چند ماہ کے دوران کینیڈین حکومت کی جانب سے مسلمانوں کے لیے کافی مثبت اور نرم رویہ رکھنے کی وجہ سے بھی ان کی مقبولیت میں اضافہ ہوا۔امریکی صدر ڈونلڈ ٹرمپ نے جب انتخابی مہم کے دوران مسلمانوں پر امریکا میں آمد پر پابندی عائد کرنے کی بات کہی تھی تب کینیڈین حکومت نے مسلمانوں کو وطن آنے کی دعوت دی تھی۔اور اب ڈونلڈ ٹرمپ کی جانب سے مسلمانوں سمیت دیگر تارکین وطن پر پابندی کے اعلان کے بعد کینیڈین حکومت کے مثبت بیانات کی وجہ سے پاکستان میں ان کی ایک پرانی تصویر انٹرنیٹ پر وائرل ہوگئی۔کینیڈین وزیر اعظم جسٹن ٹروڈو کی پاکستانی ٹرک آرٹ پر تصویر کو ٹوئٹر اور فیس بک صارفین شیئر کر رہے ہیں۔

جسٹن ٹروڈو کی پاکستانی ٹرک پر بنی تصویر جہاں انٹرنیٹ پر وائرل ہوئی ہے، وہیں کئی ویب سائٹس نے یہ بھی لکھا ہے کہ کینیڈین وزیر اعظم وہ پہلے مغربی سیاستدان ہیں جو پاکستانی ٹرک آرٹ پر اپنی جگہ بنانے میں کامیاب ہوئے ہیں۔سوشل میڈیا پر کئی صارفین انہیں روشن خیال، آزادخیال اور ایک بہترین سیاستدان لکھا ہے۔واضح رہے کہ اس سے پہلے بھی جسٹن ٹروڈو کے پاکستان میں اس وقت چرچے ہوئے تھے، جب اکتوبر 2015 میں وہ انتخابات میں کامیاب ہوئے تھے۔جسٹن ٹروڈو کے چرچے ان کے پاکستانی لباس کی وجہ سے ہوئے تھے۔

موضوعات:



کالم



چانس


آپ مورگن فری مین کی کہانی بھی سنیے‘ یہ ہالی ووڈ…

جنرل عاصم منیر کی ہارڈ سٹیٹ

میں جوں ہی سڑک کی دوسری سائیڈ پر پہنچا‘ مجھے…

فنگر پرنٹس کی کہانی۔۔ محسن نقوی کے لیے

میرے والد انتقال سے قبل اپنے گائوں میں 17 کنال…

نارمل معاشرے کا متلاشی پاکستان

’’اوئے پنڈی وال‘ کدھر جل سیں‘‘ میں نے گھبرا…

آپ کی امداد کے مستحق دو مزید ادارے

یہ2006ء کی انگلینڈ کی ایک سرد شام تھی‘پارک میںایک…

بلوچستان میں کیا ہو رہا ہے (دوسرا حصہ)

بلوچستان کے موجودہ حالات سمجھنے کے لیے ہمیں 1971ء…

بلوچستان میں کیا ہو رہا ہے؟ (پہلا حصہ)

قیام پاکستان کے وقت بلوچستان پانچ آزاد ریاستوں…

اچھی زندگی

’’چلیں آپ بیڈ پر لیٹ جائیں‘ انجیکشن کا وقت ہو…

سنبھلنے کے علاوہ

’’میں خانہ کعبہ کے سامنے کھڑا تھا اور وہ مجھے…

ہم سیاحت کیسے بڑھا سکتے ہیں؟

میرے پاس چند دن قبل ازبکستان کے سفیر اپنے سٹاف…

تیسری عالمی جنگ تیار(دوسرا حصہ)

ولادی میر زیلنسکی کی بدتمیزی کی دوسری وجہ اس…