واشنگٹن(این این آئی)امریکی سفارت خانہ تل ابیب سے مقبوضہ بیت المقدس منتقل کرانے کے لیے مقبوضہ بیت المقدس کے میئر نے نئے امریکی صدر ڈونلڈ ٹرمپ کو مکھن لگانا شروع کردیاہے اور کہاہے کہ سبکدوش ہونے والے صدر اوباما نے تو اسرائیل کو بیچ دیا تھا مگر صدر ٹرمپ ہمارے دوست ہیں۔غیرملکی خبررساں ادارے کے مطابق سوشل میڈیا پر جاری وڈیو میں میئر نیر برکت کا کہنا تھا کہ
گزشتہ آٹھ سالوں میں امریکی صدر اوباما نے یہودی آبادکاری کو رکوایا، اسلام کے انتہاپسندوں اور ایران کے آگے ہتھیار ڈال دیے اور اسرائیل کو اقوام متحدہ کی قرارداد کے ذریعے یرغمال بنادیا لیکن اب نئے امریکی صدر ڈونلڈ ٹرمپ آرہے ہیں، وہ ہمارے دوست ہیں ہم انہیں خوش آمدید کہتے ہیں، یروشلم اسرائیل کا غیر منقسم دارالحکومت ہے۔
