جمعرات‬‮ ، 23 جنوری‬‮ 2025 

ڈونلڈ ٹرمپ نے امریکہ کا 240 سالہ تاریخی ریکارڈ توڑ ڈالا، جان کر آپ بھی حیران رہ جائیں گے

datetime 20  دسمبر‬‮  2016
ہمارا واٹس ایپ چینل جوائن کریں

واشنگٹن(مانیٹرنگ ڈیسک)ڈونلڈ ٹرمپ 20 جنوری 2017 کو براک اوباما کی جگہ عہدہ صدارت کا حلف اٹھائیں گے اور وہ امریکا کی 240 سالہ تاریخ میں معمر ترین صدر ہوں گے۔گشتہ روز امریکا کے الیکٹورل کالج نے ڈونلڈ ٹرمپ کے صدر منتخب ہونے کے حوالے سے باضابطہ اعلان کردیا ہے۔ڈونلڈٹرمپ نے 50 میں سے 31 ریاستوں میں الیکٹورل کالج کے305 ووٹ حاصل کیے۔
فرانسیسی خبر رساں ادارے اے ایف پی کی رپورٹ کے مطابق امریکی میڈیا کا کہنا ہے کہ اس اعلان کے بعد ٹرمپ کی 20 جنوری کو صدر کی حیثیت سے تقرری کی تصدیق ہوگئی ہے جنھوں نے 6 ہفتے قبل ڈیموکریٹک کی اْمیدوار ہیلری کلنٹن کو شکست دی تھی۔
امریکی انتخابات کے نائب صدر مائیک نے اپنے ٹوئٹ میں کہا کہ ‘ڈونلڈ ٹرمپ کو مبارک ہو،انھیں الیکٹورل کالج نے آج باضابطہ طور پر امریکا کا صدر منتخب کرلیا ہے’۔
خیال رہے کہ عام حالات میں الیکٹورل کالج کے ووٹ کو ربڑ سٹیمپ کے طور پر دیکھا جاتا ہے جس میں منتخب کرنے والے ملک بھر میں باضابطہ ووٹ ڈالتے ہیں تاہم حالیہ تناظر میں جب ہیلری کلنٹن سمیت دیگر کی جانب سے انتخابات کو متنازع بنانے کی کوشش کی جارہی تھی مذکورہ اعلان بہت اہمیت کا حامل تصور کیا جارہا ہے۔
گذشتہ ہفتے امریکا کی سینٹرل انٹیلی جنس ایجنسی (سی ا?ئی اے) اس نتیجے پر پہنچی تھی کہ 2016 کے صدارتی انتخابات میں روس کی مداخلت نہ صرف امریکی انتخابی نظام کے اعتماد میں کمزوری کی وجہ بنی ساتھ ہی ڈونلڈ ٹرمپ کی برتری اور وائٹ ہاؤس تک رسائی بھی اسی مداخلت کا نتیجہ ہے۔
امریکی اخبار واشنگٹن پوسٹ نے امریکی افسران کا حوالہ دیتے ہوئے اپنی رپورٹ میں کہا تھا کہ خفیہ ایجنسیوں کی جانب سے ایسے افراد کی نشاندہی کی گئی ہے جن کے روسی حکومت سے رابطے تھے اور جنہوں نے ڈیموکریٹک نیشنل کمیٹی اور ہیلری کلنٹن کی صدارتی مہم کے چیئرمین سمیت دیگر افراد کی ہزاروں ہیکڈ ای میلز وکی لیکس کو فراہم کیں۔
افسران کا کہنا تھاکہ یہ افراد اس خفیہ کمیونٹی کا حصہ تھے جو روس کی جانب سے ٹرمپ کی مقبولیت کو بڑھانے اور ہیلری کی جیت کی امید کو کم کرنے کے لیے شروع کیے گئے آپریشن میں شامل تھے۔
واضح رہے کہ امریکا میں صدارتی انتخابات 2016 کے لیے 8 نومبر کو پولنگ ہوئی، جس کے بعد آنے والے نتائج نے اْس وقت سب کو حیران کردیا، جب ری پبلکن پارٹی کے رہنما ڈونلڈ ٹرمپ، ڈیموکریٹک پارٹی کی ہیلری کلنٹن کو اَپ سیٹ شکست دے کر 4 سال کے لیے امریکا کے 45 ویں صدر منتخب ہوگئے۔اس طرح ڈونلڈ ٹرمپ کی شکست اور ہیلری کلنٹن کی کامیابی سے متعلق تمام تبصرے، تجزیے اور سروے نتائج غلط ثابت ہوئے۔
ڈونلڈ ٹرمپ اور ہیلری کلنٹن کے درمیان عہدہ صدارت کے لیے کانٹے کا مقابلہ ہوا جس کے بعد ڈونلڈ ٹرمپ نے 290 الیکٹورل ووٹ حاصل کیے جبکہ صدر منتخب ہونے کے لیے 538 میں سے کم سے کم 270 الیکٹورل ووٹ کی ضرورت تھی۔ٹرمپ کی حریف ہیلری کلنٹن 218 الیکٹورل ووٹ حاصل کرنے میں کامیاب رہیں۔

موضوعات:

آج کی سب سے زیادہ پڑھی جانے والی خبریں


کالم



اسی طرح


بھارت میں من موہن سنگھ کو حادثاتی وزیراعظم کہا…

ریکوڈک میں ایک دن

بلوچی زبان میں ریک ریتلی مٹی کو کہتے ہیں اور ڈک…

خود کو کبھی سیلف میڈنہ کہیں

’’اس کی وجہ تکبر ہے‘ ہر کام یاب انسان اپنی کام…

20 جنوری کے بعد

کل صاحب کے ساتھ طویل عرصے بعد ملاقات ہوئی‘ صاحب…

افغانستان کے حالات

آپ اگر ہزار سال پیچھے چلے جائیں تو سنٹرل ایشیا…

پہلے درویش کا قصہ

پہلا درویش سیدھا ہوا اور بولا ’’میں دفتر میں…

آپ افغانوں کو خرید نہیں سکتے

پاکستان نے یوسف رضا گیلانی اور جنرل اشفاق پرویز…

صفحہ نمبر 328

باب وڈورڈ دنیا کا مشہور رپورٹر اور مصنف ہے‘ باب…

آہ غرناطہ

غرناطہ انتہائی مصروف سیاحتی شہر ہے‘صرف الحمراء…

غرناطہ میں کرسمس

ہماری 24دسمبر کی صبح سپین کے شہر مالگا کے لیے فلائیٹ…

پیرس کی کرسمس

دنیا کے 21 شہروں میں کرسمس کی تقریبات شان دار طریقے…