لیما (آئی این پی)چینی سرمایہ کاروں نے کاروبار اور تجارت کی تلاش میں پیرو کا رخ کر لیا ، پیرو کی امیگریشن ایجنسی کے مطابق گذشتہ پانچ سال کے دوران ایشیاء بحرالکاہل ، اقتصادی تعاون فورم کے ممالک سے 71ہزار افراد پیرو پہنچے جن میں سے 67713 افراد کاروبار اور 3732سرمایہ کاری کیلئے پیرو آئے ، ان کی اکثریت چین سے تعلق رکھتی ہے ، 2011سے 2015ء تک 21456 چینیوں نے کاروبار کیلئے پیرو کا سفر کیا جبکہ چلی دوسرے ، ا مریکہ تیسرے اور میکسیکو چوتھے نمبر پر رہاجبکہ اسی عرصہ کے دوران 1240چینی سرمایہ کار پیرو آئے ،چلی دوسرے اور امریکہ تیسرے نمبر پر رہا ۔ یا د رہے کہ پیرو میں آج کل چوبیسویں ایشیاء بحرالکاہل اقتصادی تعاون رہنماؤں کی کانفرنس ہورہی ہے۔