اسلام آباد(مانیٹرنگ ڈیسک)امریکی صدارتی انتخاب میں ہلیری کلنٹن کی شکست کے چند گھنٹے بعد ہی 2020 کے صدارتی انتخاب کے لئے مشیل اوباما کا نام سامنے آنے لگا۔غیرملکی خبررساں ادارے کے مطابق سماجی رابطوں کی ویب سائٹس پرکسی نے مشیل اوباما کو آمادہ کرنا شروع کر دیا کہ وہ آئندہ صدارتی انتخاب میں ضرورحصہ لیں،تو کسی نے کہا کہ اس وقت مشیل اوباما کے لیے 2020 کا انتخاب جیتنے کے لیے بہترین ماحول ہے۔مشیل اوباما امریکا کے سیاسی منظرنامے میں ایک مقبول شخصیت ہیں۔ گیلپ سروے کے مطابق ان کے مقبولیت 64 فیصد ہے اور یہ اوسط ڈونلڈ ٹرمپ، ہلیری کلنٹن اور اپنے شوہر صدر اوباما سے زیادہ ہے۔واضح رہے کہ امریکی نومنتخب صدر ڈونلڈ ٹرمپ کی شہرت ڈانوا ڈول ہو چکی ہے اور امریکہ کی کئی ریاستوں میں ان کیخلاف مظاہرے کئے جا رہے ہیں۔دوسری جانب امریکی صدارتی انتخابات کے حیران کن نتائج کے ساتھ ہی امریکی کانگریس میں پہلی مرتبہ بڑی تعداد میں چار بھارتی نڑاد امریکی شہری کا نگر یس کے رکن کی حیثیت سے منتخب ہوگئے۔غیرملکی خبررساں ادارے کے مطابق پانچویں رکن کے انتخابی نتائج کی دوبارہ گنتی جاری ہے۔ 51 سالہ کملا حارث دو مرتبہ کیلیفورنیا میں اٹارنی جنرل رہ چکی ہیں۔ انہوں نے اپنی ہی ریاست سے سینیٹ کی نشست حاصل کی ہے۔