سرینگر(مانیٹرنگ ڈیسک) مقبوضہ کشمیر میں بھارتی مظالم کے خلاف برسرپیکارحریت رہنما یاسین ملک کی اہلیہ مشال ملک نے کہاہے کہ بھارتی فوج کے تشدد کے باعث یاسین ملک کی تفتیشی سیل میں حالت غیر ہو گئی ہے اور ان ٹانگ میں لگی چوٹ کی وجہ سے انفیکشن ہو گیاہے ،یاسین ملک کی بازیابی کیلئے پاکستان کر دار ادا کرے۔ تفصیلات کے مطابق حریت رہنما یاسین ملک کی اہلیہ مشال ملک کا کہناتھا کہ بھارتی فوج معصوم یاسین ملک کو تفتیشی سیل میں تشدد کا نشانہ بنایا ہے جس کی وجہ سے ان کی حالت غیر ہو گئی ہے جبکہ ان کی ٹانگ پر زخم کے باعث انفیکشن ہو گیاہے جس کی وجہ سے وہ چل بھی نہیں پا رہے ہیں ۔انہوں نے کہا کہ یاسین ملک کو کئی روز سے کھانے کیلئے کچھ نہیں دیا گیا جبکہ انہیں ایک تاریک و تنگ کمرے میں رکھا گیاہے ۔مشال ملک شوہر کی بیماری کا ذکر کرتے ہوئے آبدیدہ ہو گئیں ،انہوں نے کہا کہ یاسین ملک کے ڈاکٹرز نے بھی تشویش کا اظہار کیاہے ۔انہوں نے پاکستانی حکومت سے اپیل کرتے ہوئے کہا کہ پاکستان یاسین ملک کی بازیابی کیلئے کر دار ادا کرے ۔مشال ملک کاکہناتھا کہ اگر یاسین ملک کو کچھ ہوا تو بھارت ذمہ دار ہو گا اور پوری ویلی میں آگ بھڑک اٹھے گی ۔